Astanada Abylaı hannyń 300 jyldyǵyna arnalǵan «Astana-Kókshetaý» marafony bastaldy
ASTANA. 3 qazan. QazAqparat - Astanada Abylaı hannyń 300 jyldyǵy qarsańynda «Astana-Kókshetaý» marafony jarqyn oqıǵalardyń biri bolmaq.
Marafonshylar Astanadan 280 shaqyrymdaǵy Kókshetaý keń dalanyń jazyǵyn áıgili basqarýshy, talantty qolbasshynyń týǵan jerine deıin jol júrmek. Marafonǵa 25-ten 45-ke deıingi ár túrli jastaǵy 15 adam qatysady. Olar mundaı erekshe is-sharalar ult tarıhyna qyzyǵýshylyqty oıatý úshin uıymdastyrylǵanyna senimdi. Marafon 4 qazanda saǵat 10.00-de «Qazaq eli» monýmentiniń aldynda bastalady. Marafonǵa qatysýshylar qashyqtyqty estafeta qaǵıdasy boıynsha júrip ótpek: ár marafonshy ár 5-shi shaqyrymda ekinshi marafonshyny almastyrady.
Іs-sharaǵa «Jeltoqsan aqıqaty» Patrıottyq qozǵalysy» respýblıkalyq qoǵamdyq birlestigi bastamashylyq etti.
«5 qazanda saǵat 10.00-de Kókshetaýdaǵy Abylaı han alańyna jetýdi josparlaýdamyz, bul ýaqytta ol jerde áıgili qolbasshy, dana basqarýshynyń 300 jyldyǵyna arnalǵan saltanatty sherý bastalady», - dep habarlady «Jeltoqsan aqıqaty» Patrıottyq qozǵalysy» respýblıkalyq qoǵamdyq birlestiginiń tóraǵasy Beısenǵazy Núken.
Onyń sózine qaraǵanda, erekshe is-sharanyń maqsaty - jastardyń ult tarıhyna, atap aıtqanda, tarıhta talantty strateg, dana basqarýshy bolyp qalatyn Abylaı han sııaqty jarqyn tulǵalarǵa degen qyzyǵýshylyǵyn oıatý.
Іs-shara "Nur Otan" partııasynyń jáne mádenıet mınıstrliginiń qoldaýymen ótedi.
Eske sala keteıik, 5-6 qazanda Aqmola oblysynda Abylaı hannyń 300 jyldyǵyna arnalǵan saltanatty is-shara ótedi.
