Astanada Abu Dhabi Plaza qonaq úı kesheni EXPO-2017-ge deıin tolyq turǵyzylyp bitedi
ASTANA. 3 sáýir. QazAqparat - Tóbesi kók tiregen Abu Dhabi Plaza kesheniniń qurylysy Astana qalasynda 2016 jyldyń qarasha aıynda tolyq aıaqtalady. Bul jaıynda muslim.kz saıty BikyaNews-ke silteme jasap habar taratty.
«Bul keshende keńseler úshin 90 myń sharshy metr aýmaq qarastyrylǵan. 88 qabattan turatyn keshende 598 apartament bolady. 111 myń sharshy metr aýmaqty eki qonaq úı jáne saýda oryndary alady», - dedi Birikken Arab Ámirlikterindegi Qazaqstan elshisi Asqar Mýsınov.
Bir aıta keterligi, aldaǵy ýaqytta boı kóteretin bul keshen Ortalyq Azııadaǵy eń záýlim ǵımarat bolaıyn dep tur.
Onyń aıtýynsha, atalmysh joba Astananyń ekonomıkalyq aımaǵyn keńeıtýge múmkindik beredi. Abu Dhabi Plaza el astanasynyń ekonomıkasyn alǵa súırep, dańqyn asyrady.
Jobaǵa Ábý-Dabı 1,5 mıllıard dollar quıady.
