Astanada «Ábý-Dabı Plaza» keshenindegi órtti baǵalaý úshin tikushaqty paıdalanýda
ASTANA. QazAqparat - Salynyp jatqan «Ábý-Dabı Plaza» keshenindegi órttiń taraýyn jáne ǵımarattaǵy jaǵdaıdy joǵarydan baıqap, oǵan baǵa berý úshin Evrokopter 145 QR SІM TJK «Qazavıaqutqarý» AQ tikushaǵy jumyldyryldy.
Bul týraly QR ІІM Tótenshe jaǵdaılar komıtetiniń resmı ókili Rýslan Imanqulov habarlady.
Eske sala keteıik, «Ábý-Dabı Plaza» kópsalaly kesheninde shyqqan órt saldarynan qutqarýshylar 120 jumysshyny qaýipsiz jerge shyǵardy. Órt saǵat 08:25-te aýyzdyqtaldy. Oqıǵa ornyna ІІM general-polkovnıgi Q.Qasymov jáne mınıstrdiń orynbasary V. Bojko keldi.
Rýslan Imanqulovtyń aıtýynsha, búgin saǵat 4:40-ta kezekshi bólimge «Abu Dabi Plaza» keshenindegi órt týraly habar túsken. Habarlama túskennen keıin 10 mınýt ishinde órt sóndirý qyzmeti oqıǵa ornyna jetti. Tórt jaýyngerlik ýchaske quryldy, onyń ekeýi - bul 40 órt sóndirýshi ǵımarattyń ishinde tilsiz jaýmen arpalysyp jatyr. Órt sóndirýshiler 120 jumysshyny qaýipsiz jerge shyǵardy. Japa shekkender joq.
Onyń sózine qaraǵanda, jalynmen kúreske bıik ǵımarattardaǵy órtti sóndirýge arnalǵan tehnıka tartyldy. Tilsiz jaýdy aýyzdyqtaýǵa 78 órt sóndirýshi men 27 órt sóndirý tehnıkasy jáne Astana qalalyq ІІD 12 tehnıkasy men 24 adamy jumyldyryldy. Órt sóndirýshiler kelgenshe 11 qabattan 25 qabatqa deıin órtenip jatty.
«Podezd joldary bolmaǵandyqtan jalynmen arpalysý qıyn soqty. Aldyn ala málimet boıynsha, órt gaz ballondardyń jarylýynan shyqqan. Jalynnyń shyǵý sebepteri anyqtalyp jatyr. Nysandaǵy órt qaýipsizdigin «NıkaStroıServıs» JShS qamtamasyz etken, - delingen habarlamada.
«Ábý-Dabı Plaza» - Astana qalasynda salynyp jatqan túrli qabatty birneshe ǵımarattan turatyn kópsalaly keshen.
Іrgesi qalanǵan soń «Ábý-Dabı Plaza» Qazaqstan men Ortalyq Azııadaǵy eń bıik ǵımarat bolmaq. Munaranyń ushy 88-shi qabatta bolady - bul shamamen 382 metr bıiktikte.
