Astanada abonementsiz sportpen qaıda aınalysýǵa bolady

«Salamatty ómir saltyn ustaný - zamanaýı qoǵamnyń trendi. Alaıda, tánińdi óz tonýsynda ustap turý arzanǵa túspeıdi. Tabıǵı ónim, dárýmen, sporttyq jabdyqtar men sportzalǵa abonement - munyń bárimen aı saıyn turaqty túrde aınalyssań qanshama shyǵyn bolmaq», - delingen habarlamada.

Onda qalada tegin jattyǵýlardyń qaıda ótetinin, onyń ústine nusqaýshyǵa jáne sportzalǵa ketetin abonementti qalaı únemdeýge bolatyny jóninde keńes berilgen.

Astanada osymen úshinshi jyl qatarynan mádenıet jáne sport basqarmasy uıymdastyratyn barlyq úmitkerlerge arnalǵan tegin sportpen aınalysý ótip keledi.

Júgirý

Kim tańerteńnen júgirgendi unatady, óte durys isteıdi. Qysqasy, densaýlyq úshin óte paıdaly. Júgirý erik-jigerdi damytady, densaýlyqty kúsheıtedi, minezdi shyńdap, ózińdi formaǵa kelýge kómektesedi. Astanada jyl saıyn áýesqoı júgirýshiler kóbeıip keledi. Qala ákimdigi osyǵan oraı shara qoldandy: saıabaqtarda joldarǵa arnaıy rezına jamylǵysy tóseldi. 

Astanada qazirgi tańda sertıfıkaty bar ınstrýktorlar toptyq júgirýden tegin dáris ótkizedi. 

Qaıda? Astanalyq saıabaq pen Trıatlon saıabaǵynda aptasyna 3 ret - dúısenbi, sársenbi, juma - saǵat 19:30-dan 20:30 deıin sertıfıkaty bar ınstrýktorlar toptyq júgirýden dáris ótkizedi.

Sonymen qatar jeksenbi kúngi dárister bar, ol tańerteń jáne keshkisin - saǵat 10-nan 12 saǵatqa deıin jáne de saǵat 17:00-den 19:00-ge deıin.

Krossfıt

Krossfıt - bul óziniń shydamdylyǵyn qaırap, kúshi men jyldamdyǵyn shyńdap, qıyndyqty eńsere alatyn jáne óziniń qolynan ne keletinin dáleldegisi keletin jandarǵa arnalǵan sport. 

Krossfıt Astana saıabaǵyndaǵy jeksenbilik jattyǵý baǵdarlamasyna qosylǵan jáne tańerteń saǵat 10-nan 12-ge deıin. Stýdent jáne Jeruıyq saıabaqtarynda saǵat 10-nan 12-ge deıin jeksenbi kúnderi barlyq qatysqysy keletinder krossfıtten jattyǵýǵa kele alady. 

Ýshý

Ýshý - biregeı jaýyngerlik óner, ol adamnyń shyǵys jekpe-jegi fılosofııasyn tereńinen túsinýge, ózin ózi qorǵaýdyń jańa mashyǵyn, táni men densaýlyǵyn qataıtyp, sanasyn tazartýǵa ári ishki qýatyn damytýǵa kómektesedi. 

Ýshýmen Astanalyq saıabaqta jeksenbi kúnderi tańerteń aınalysýǵa bolady. 

Djıý-djıtsý

Djıý-djıtsý tehnıkasy qozǵalysty kóp paıdalanýǵa jáne qarsylastyń ózine kúsh salýǵa baǵyttalǵan jáne de arnaıy «qýlyǵy» bar tásilder qoldanylady, ıaǵnı aýyratyn núktelerge soqqy jasaý, arnaıy kóńildi basqaǵa aýdaratyn qımyldar, shabýyl syzyǵynan aýytqý jáne t.b.

Djıý-djıtsý dástúri áli kúnge deıin saqtalyp keledi. Álemniń kóptegen elderinde jaýyngerlik ónerdiń osy túrin damytyp, kýltke aınaldyryp otyrǵan odaq, federatsııa, qaýymdastyq, oqý ortalyqtary men klýbtar bar. 

Astanada djıý-djıtsýdan tegin jattyǵýlar demalys kúnderi tańerteń Astanalyq saıabaq pen Jeruıyq saıabaqtarynda 19:00-den 20:00-ge deıin ótedi. 

Ioga

Ioga - bul praktıkalyq fılosofııa, jan men tánniń birigýine arnalǵan. Onyń bastaýy sonaý ejelgi úndi dástúrinen alynǵan. Búginde ıoga úlken tanymaldylyqqa ıe. Onymen bala da, kári de aınalysa alady. 

Ioganyń tehnıkasymen tanysqysy keletinder tańerteń demalys kúnderi Stýdenttik jáne Jeruıyq saıabaǵyna kele alady.

Shahmat

Shahmat oınaýdyń paıdasy shash-etekten. Oıyn barysynda mıdyń oń jaq jáne sol jaq bóligi de bir mezgilde jumys isteıdi de, mıdyń  damýyna úılesim týǵyzady  - bul shahmattyń negizgi paıdasy. 

Astanalyq, Stýdent jáne Jeruıyq saıabaqtarynda tańerteń oınaǵysy kelgender shahmat pen doıbydan sheberlik synasa alady. 

Velosport

Velosıped sporty -bul aerobty jattyǵý bolyp esepteledi, ol júrek pen ókpeni, bulshyq et pen aıaqty kúsheıtedi. Qysqasy, velosport jyldamdyq jaǵynan konkı men taý shańǵysy sııaqty júk túsiredi. Demek bul da aıaqtyń bulshyq etin shynyqtyrady. 

Osy jyly áýesqoılar úshin velosıped júretin joldarǵa jaǵdaı jasaldy. Astananyń mereıtoı qurmetine 56 km velojol salyndy.