Astanada Ábish Kekilbaev atyndaǵy alleıa ashylady
ASTANA. QazAqparat - 12 mamyrda «Ǵashyqtar» saıabaǵynda aǵashtardy otyrǵyzý boıynsha ekologııalyq aktsııa ótedi. Keıinnen bul alleıaǵa qoǵamdyq jáne saıası qaıratker, Eńbek Eri, Qazaqstannyń halyq jazýshysy, Memlekettik syılyq ıegeri Ábish Kekilbaevtiń esimi beriletin bolady, dep habarlaıdy elorda ákimdiginiń resmı saıty.
Ekologııalyq naýqan «Rýhanı jańǵyrý» baǵdarlamasyn júzege asyrý aıasynda Astana qalasy «Esil» aýdany ákimi apparatynyń uıymdastyrýymen ótedi. Oǵan Á. Kekilbaevtiń jubaıy Klara Jumabaeva, jazýshynyń týǵan-týysqandary men Kekilbaevtar januıasynyń dos-jarandary, óskeleń urpaqtyń ókilderi qatysady. Sonymen qatar, óz aǵashtaryn alleıada «Esil» aýdanynyń ákimi Tólegen Zakarıanov pen elordanyń zııaly qaýym ókilderi otyrǵyzady dep kútilýde.
Osylaısha, «Astana Opera» opera jáne balet teatryna qarama qarsy ýchaskede qaraǵaı, sibir shyrshasy, qyzyl sheten, usaq japyraqty shegirshin sııaqty aǵashtardyń 250-ge tarta kóshetin otyrǵyzý josparlanǵan.
