Astanada abbattandyrý erejelerin saqtamaýdyń aldyn alý maqsatynda reıd ótkizilýde
ASTANA. QazAqparat - Astana qalasynyń Ákimshilik polıtsııa qyzmetkerleri elorda aýmaǵyn abbattandyrý erejelerin saqtamaýdy aldyn alý maqsatynda reıdtik is-sharalar ótkizýde.
«Astana qalasy Tabıǵatty qorǵaý polıtsııasy qyzmetkerleri kúndelikti qala aýmaǵynda ınerttik materıaldardy (kómir jáne kúl) tógý faktilerin anyqtaý boıynsha Promyshlennyı, Temirjol, Kóktal, Ilınka eldi mekenderiniń jeke sektorlaryna tekseris jumystaryn júrgizedi. Atalmysh is-sharanyń maqsaty - jeke menshik úıde turatyn azamattardyń abbattandyrý tártibin saqtaýyn qadaǵalaý», - dep atap ótti Astana qalasy Ákimshilik polıtsııa basqarmasy bastyǵynyń orynbasary, polıtsııa polkovnıgi Igor Gorbýnov.
Astana qalasy ІІD Ákimshilik polıtsııa basqarmasynyń habarlaýynsha, tórt kúndik reıdtik is-sharalar aıasynda jeke úı-jaılar aýmaǵyna kómir jáne kúl qaldyqtaryn úıip-tógýdiń 86 faktisi anyqtaldy. Atalmysh úı-jaılardyń ıelerine jalpy somasy 700 myń teńge kóleminde aıyppul salyndy.
Eske salaıyq, jyl basynan beri Astana qalasy Tabıǵatty qorǵaý polıtsııasy qyzmetkerlerimen jeke sektorlardaǵy abattandyrý erejelerin saqtaýdy qadaǵalaý maqsatynda 123 is-shara ótkizildi, dep habarlaıdy astana.kz.
