Astanada «Abaıdyń án álemi» atty merekelik shara ótýde

Shara zııaly qaýym ókilderiniń Abaı eskertkishine gúl qoıý rásimimen bastaldy. Sonymen qatar, Q.Qýanyshbaev atyndaǵy Memlekettik akademııalyq qazaq mýzykalyq drama teatrynyń ártisteri Abaıdyń ómirinen daıyndalǵan qoıylymdy kórsetti. Osydan keıin Qazaqstan Respýblıkasynyń eńbek sińirgen ártisi, ónertaný professory Kenjeǵalı Myrjyqbaıdyń «Qaıran jurtym», «Ólse daǵy tabıǵat adam ólmes», «Qarańǵy túnde taý qalǵyp» (úsh tilde), «Aıttym sálem,Qalamqas», Qazaqstan Respýblıkasynyń eńbek sińirgen qaıratkeri Janat Shybyqbaıdyń «Kózimniń qarasy», Qazaqstan Respýblıkasynyń eńbek sińirgen qaıratkeri Gúlzıra Bókeıhannyń «Tatıananyń áni», sondaı-aq qazaqtyń dástúrli ánderin naqyshyna keltire aıtyp júrgen tanymal ánshi Erlan Rysqalıdiń oryndaýlarynda «Segiz aıaq», «Boıy bulǵań» sııaqty Abaıdyń tanymal ánderi shyrqaldy.

Astana qalasy Tilderdi damytý basqarmasy bul shara Abaıdyń san qıly murasyn nasıhattaý, alýan taqyryptaǵy ánderi arqyly sýretkerdiń estetıkalyq álemin tanytý maqsatynda uıymdastyrylyp otyrǵandyǵyn málim etti.