Astanada Abaıdyń úlken tsıfrlyq portreti paıda boldy

ASTANA. KAZINFORM – Elordanyń sol jaǵalaýynda qazaqtyń uly aqyny Abaı Qunanbaıulynyń tsıfrlyq beınesi jurt nazaryna usynyldy.

65 metrlik portret 53 myń pıkselden astam jańa LED jaryqtandyrýmen jabdyqtalǵan. Sýrettiń oıý-órnekteri men kók tý ushtasyp jatyr.

Aıta keteıik, qala turǵyndary bul jerdi shyǵarmashylyq beıneler jasaý úshin belsendi paıdalanyp jatyr. Atap aıtsaq, E. Rahmadıev atyndaǵy memlekettik akademııalyq fılarmonııanyń ártisi, Astana turǵyny Kúljanova Uljan skrıpkada «Kózimniń qarasy» týyndysyn oryndady.

Portret pen anımatsııa 16 tamyzǵa deıin kórsetilip turady.

Osyǵan deıin QR Mádenıet jáne aqparat mınıstrligi 10 tamyzda Qazaqstanda Abaı kúni atap ótiletinin habarlady. Uly aqynnyń 175 jyldyǵyna oraı onyń shyǵarmashylyǵyna arnalǵan 500-den astam is-shara ótedi.