Astanada «Abaı jáne Pýshkın» atty shyǵarmashylyq kesh ótti

Ony «Káýsar» mádenı-tanymdyq uıymynyń jetekshisi Kenjeǵalı Myrjyqbaı A.Pýshkınniń týǵan kúnine oraı uıymdastyrdy. Aıta keteıik, búgin orystyń uly aqynynyń týǵanyna 215 jyl tolyp otyr.

Klassıkalyq janrdaǵy mýzykanyń súıemeldeýimen ótken keshte ónertaný professory Kenjeǵalı Myrjyqbaı Abaı men Pýshkınniń sózderine jazylǵan qazaq jáne orys sazgerleriniń vokaldyq shyǵarmalaryn oryndady. Kórermender nazaryna Abaıdyń «Kózimniń qarasy», «Aıttym sálem, Qalamqas», Rımskıı-Korsakovtyń «Na holmah Grýzıı» shyǵarmasy, G.Svırıdovtyń «Ronıaet les bagraıanyı svoı ýbor» men «Podezjaı pod Ijory», B.Sheremetevtiń «ıA vas lıýbıl» týyndysy, A.Dargomyjskııdiń «ıÝnosha ı deva» ánderi usynyldy.

Shyǵarmashylyq keshtiń maqsaty - qazirgijas urpaqty uly aqyndar Abaı men Pýshkınniń shyǵarmashylyǵymen tanystyrý, olardyń sanasyna bul shyǵarmalardyń taǵylymyn sińirý boldy.

Keshke zııaly qaýym ókilderi, soǵys jáne eńbek ardagerleri, qala turǵyndary men qonaqtary shaqyryldy.