Astanada «Abaı oqýlary» ótti
ASTANA. 23 tamyz. QazAqparat - Búgin Astanadaǵy Abaı Qunanbaıulynyń eskertkishi aldynda «Júrektiń sózin sóıle,til!» atty ádebı-mýzykalyq kesh ótti.
Halyq arasynda «Abaı oqýlary» dep atalyp ketken shara Qazaqstan halqy tilderiniń XIV festıvali aıasynda uıymdastyryldy. Oǵan 70-ke jýyq adam qatysýǵa nıet bildirgen. Olardyń ishinen 15 jas aqyn iriktelip, halyq aldynda uly Abaıdyń óleńderin oqýǵa múmkindik aldy. Ádebı-mýzykalyq kesh aıasynda elimizdiń zııaly qaýym ókilderi jáne qala turǵyndary Abaı Qunanbaıulynyń eskertkishine taǵzym etip, gúl shoqtaryn qoıdy.
«Abaı oqýlary» Qazaqstan halqy tilderiniń XIV festıvali aıasynda osymen on tórtinshi ret ótip jatyr. Biz óskeleń urpaqtyń Abaıǵa degen qushtarlyǵyn artyp kele jatqandyǵyn baıqap otyrmyz. Sebebi jylda irikteýge qatysatyn aqyndardyń deni - jastar», - deıdi Astana qalasynyń Tilderdi damytý basqarmasynyń bastyǵy Erbol Tileshev.
