Astanada Abaı kóshesi boıymen qozǵalys shekteledi
ASTANA. 24 shilde. QazAqparat - Astanada 24 shildeden bastap 3 tamyzǵa deıin kúrdeli jóndeý jumystaryna baılanysty Abaı kóshesi boıynda Respýblıka dańǵylynan Saryarqa dańǵylyna deıin qozǵalys shekteledi,
dep habarlady astanalyq ákimdiktiń baspasóz qyzmeti.
Kúrdeli jóndeý jumystarynyń jobasy eki kezeńge bólingen. Birinshi kezeń 24-27 shilde aralyǵynda Respýblıka dańǵylynan bastap Beıbitshilik kóshesine deıingi ýchaskelerdiń jabylýyn qarastyrady. Ekinshi kezeńde 28 shildeden 3 tamyzǵa deıin Beıbitshilik kóshesinen Saryarqa dańǵylyna deıingi joldar jabylady.
Astana qalasynyń jol polıtsııasy basqarmasy elorda turǵyndary men qonaqtarynan barynsha abaı bolýdy, balama qozǵalys baǵyttaryn aldyn ala tańdaýdy, jol belgilerin jáne jol polıtsııasy qyzmetkerleriniń talaptary men nusqaýlaryn qatań saqtaýdy suraıdy.
