Astanada Abaı eskertkishiniń janynda kitap pen poezııa merekesi ótti (FOTO)
Eresekter men jas oqyrmandardy kitap oqýǵa baýlýǵa arnalǵan kitap pen poezııa merekesi birneshe jyldan beri ótkizilip keledi.
Bıyl shara barysynda F. Ońǵarsynovanyń «Óleńder jınaǵy» kitabynyń tusaýkeseri ótkizildi, «Abaıdyń rýhy» atty teatrlandyrylǵan qoıylym kórsetilip, Bókeıhanov pen Muqaǵalı oqýlary men «Oqıtyn ýaqyt» promoaktsııasy uıymdastyryldy.
Kelýshiler nazaryna Abaı Qunanbaevtyń ómiri týraly shyǵarmalar usynyldy. Q. Qýanyshbaev atyndaǵy qazaq mýzykalyq akademııalyq drama teatrynyń akterlary Shyǵystyń uly tulǵasynyń halqynyń bilimdi bolǵanyn kórý syndy armanyn júzege asyra aldy.
Arnaıy ornatylǵan stendterde táýelsizdigimizdiń tarıhy kórsetildi. Taqyryptyq ekspozıtsııa birneshe bólimnen turady. Ortalyqtandyrylǵan kitaphana júıesi qorynan jınalǵan kitaptarda tarıhı tulǵalar, Astana týraly jańa Qazaqstannyń jobasy retinde, sondaı-aq, EKSPO-2017 kórmesi jaıly jazylǵan. Merekelik sharaǵa elordalyq aqyndar qatysty.
Bókeıhanov oqýlarynda Bostanova Jansaıa, Turǵanbekova Qaraqat, Áýbákirov Raýan, Orynbekova Jasmın óz ónerlerin ortaǵa saldy.
- «Oqıtyn ýaqyt» promoaktsııasy arqyly adamdardy kitap oqýǵa kóbirek tartýǵa tyrysamyz. Óskeleń urpaqtyń ózin-ózi damytýmen aınalysatynyna qýanyshtymyz. Osyǵan baılanysty jazda da balalarǵa arnalǵan sharalardy toqtpaımyz. Búgingi shara - kitapqumar jandardyń ashyq aspan astyndaǵy kezdesýi. Astanada kún jańbyrly, biraq jaqyn arada kezdesýler qaıta jandanady. Sharalarǵa balalar ǵana emes, ata-analar da keledi. Mysaly, «Ákemmen birge buıymdar jasaımyn» sharasynda balalar ata-analarmen birge konkýrstarǵa qatysyp, qoldan jasaǵan buıymdaryn kórsetti. Sonymen qatar, jas oqyrmandar qazaq tilin meńgerý boıynsha quraldardy surady. Orys tilinde múldem sóılemeıtin de balalar bar. Olarǵa kómektesýge tyrysamyz, - dedi Ortalyq jasóspirimder kitaphanasynyń aǵa oqytýshysy Oralova Valentına.
