Astanada Abaı dańǵylynda jóndeý jumysyna baılanysty qozǵalys shekteledi
ASTANA. KAZINFORM — Astanada Abaı dańǵylynyń Á. Sembınov kóshesinen A. Pýshkın kóshesine deıingi aralyqta jol jabynyna marshrýttyq jóndeý júrgiziledi. Bul týraly qala ákimdiginiń baspasóz qyzmeti habarlady.
Osyǵan baılanysty 17-25 shilde aralyǵynda kórsetilgen ýchaskede kólik qozǵalysy kezeń-kezeńimen, jolaqtardyń jabylýymen ishinara shekteledi.
— Jumys júrgizý kezeńinde atalǵan aýmaqta kólik keptelisi týyndaýy múmkin. Júrgizýshiler men jaıaý júrginshiler júrý baǵytyn aldyn ala josparlap, qozǵalysty uıymdastyrýda múmkin bolatyn ózgeristerdi eskerýi qajet, — delingen habarlamada.
Eske salaıyq, buǵan deıin Astanada Máńgilik El dańǵyly men Qonaev kóshesiniń qıylysy ýaqytsha jabylatynyn habarlaǵan edik.
