Astanada abattandyrý erejesin buzǵan 93 kompanııa jaýapkershilikke tartyldy

ASTANA. QazAqparat - «Quqyqtyq tártip» jedel aldyn alý sharasyn oryndaý maqsatynda Astana qalasy ІІD JPQ tabıǵatty qorǵaý polıtsııa qyzmetkerleri aýdan ákimdiginiń apparat mamandarymen birlesip qalany abattandyrý erejesiniń talaptaryna sáıkes qurylys alańdary men ýchaskelerin tekserdi, dep habarlaıdy qala ákimdiginiń saıty .

Máselen, jyldyń basynan beri QR ÁQBtK 505 babyn «Qalalar men eldi mekenderdiń aýmaqtaryn abattandyrý qaǵıdalaryn buzý, sondaı-aq qalalar men eldi mekender ınfraqurylymy nysandaryn buzý, jasyl jelekterdi joıý jáne búldirý» buzǵan ıaǵnı, irgeles aýmaqtardy qardan, muzdan, qoqystardan ýaqytyly tazartpaý, qurylys ýchaskesiniń tys aýlasyna qurylys qaldyqtaryn jınamaý, qorshaýlardy ornatpaý, júk avtokólik dóńgelekterin jýmaý jáne t. b. boıynsha 93 qurylys kompanııalary jaýapkershilikke tartyldy. Olarǵa salynǵan aıyppul kólemi 6 mln teńgeden asady.

Mysaly, 16 mamyrda «Esil» aýdandyq ІІB tabıǵatty qorǵaý polıtsııasy qyzmetkerleri Qabanbaı batyr dańǵylyndaǵy «Haıvıll park» turǵyn-úı qurylys nysanynyń irgeles aýmaǵyndaǵy turmystyq qoqystardyń ýaqytyly tazartylmaǵany úshin «Nighill Kazakhstan» JShS jaýapkershilikke tartyp, 300 AEK kólemde aıyppul saldy.