Astanada abattandyrý erejelerin buzǵan 5 myńnan astam adam jaýapkershilikke tartyldy
ASTANA. KAZINFORM – Astanada abattandyrý erejelerin buzǵan 5 myńnan astam adam jaýapkershilikke tartyldy. Bul týraly Polisia.kz jazdy.
«Taza Qazaqstan. Astana — tazalyq pen tártiptiń úlgisi» ekologııalyq aktsııasy aıasynda Astana qalasy polıtsııa departamenti qorshaǵan ortany abattandyrý, jalpy paıdalaný oryndaryn lastaý erejelerin buzýdyń aldyn alý boıynsha is-sharalar júrgizýde. Sonymen qatar kóshe-jol jelisine, qurylys nysandaryna zertteý júrgizý boıynsha mobıldi toptar quryldy.
Aktsııa bastalǵannan beri qoqysty zańsyz shyǵarý, jalpy paıdalaný oryndarynyń lastanýy jáne abattandyrý qaǵıdalaryn ózge de buzý faktileri boıynsha 5 myńnan astam quqyq buzýshy ákimshilik jaýapkershilikke tartyldy.
«Kún saıyn ruqsat etilmegen qoqys úıindileriniń paıda bolýyna beıim oryndarda reıdtik is-sharalar júrgiziledi, belgilenbegen oryndarda qoqystardy túsirýdi jáne aǵyndy sýlardy tógýdi júzege asyratyn tulǵalardy anyqtaý boıynsha maqsatty jumys júrgiziledi. Aktsııa bastalǵannan beri júk kóliginiń 50-den astam júrgizýshisi jaýapkershilikke tartyldy. Sonymen assenızatorlyq kólik júrgizýshisi aǵyndy káriz júıesine qoqysty ruqsatsyz aǵyzýǵa ruqsat bergen. Oǵan qatysty ákimshilik jazalaý sharalary qabyldandy», — delingen habarlamada.
