Astanada A.Seıdimbekti eske alýǵa arnalǵan ǵylymı konferentsııa ótip jatyr
ASTANA. 6 jeltoqsan. QazAqparat - Lev Gýmılev atyndaǵy Eýrazııa ulttyq ýnıversıtetinde kórnekti ǵalym, etnograf, jýrnalıst, professor Aqseleı Seıdimbekti eske alýǵa arnalǵan «Aqseleý Seıdimbek: ǵylymı murasy jáne Táýelsizdik» taqyrybynda ǵylymı-tájirıbelik konferentsııa bastaldy.
Úsh bólim boıynsha ótip jatqan ǵylymı máslıhatta Eýrazııanyń aýyz ádebıeti, kóshpendiler tarıhy, kóshpeli halyqtardyń rýhanı murasy men dúnıetanymy, sondaı-aq qazaq ádebıettaný ǵylymy sııaqty máseleler Aqseleý Slanuly Seıdimbektiń shyǵarmashylyq murasy aıasynda talqylanýda.
«Búgingi konferentsııanyń taqyryby: «Aqseleý Seıdimbek: ǵylymı murasy men jáne Táýelsizdik». Óıtkeni Ahańnyń týǵan kúni - jeltoqsannyń 12-si Táýelsizdikke taıaý. Aqseleý Seıdimbek sııaqty azamattar osy Táýelsizdiktiń atmosferasyn qalyptastyrdy. Ahańnyń úlken bir eńbegi - «Qazaqtyń aýyzsha tarıhy», ıaǵnı etnografııa men folklorıstıkanyń túıisken jerinde elenbeı júrgen dúnıelerdi Aqseleý Seıdimbek úlken ǵylymı sala retinde dáleldep, bizge baǵyt-baǵdar kórsetti», - dedi konferentsııanyń ashylý rásiminde Eýrazııa ulttyq ýnıversıtetiniń prorektory, professor Dıhan Qamzabekuly.
