Astanada Á.Moldaǵulova kóshesi jartylaı jabylady
ASTANA. QazAqparat - Qyrkúıektiń 15-i men 25-i aralyǵynda ortasha jóndeý jumystaryn júrgizýge baılanysty Á. Moldaǵulova kóshesiniń Jeńis dańǵylynan Beketaı kóshesine deıingi bóligi jartylaı jabylady. Bul týraly qala ákimdiginiń saıty habarlady.
Eske salaıyq, 15-30 qyrkúıek aralyǵynda Jeltoqsan kóshesiniń Kenesary kóshesinen Irchenko kóshesine deıingi bóligi jabyq bolady. Sondaı-aq, 17-30 qyrkúıekte Jeltoqsan kóshesiniń Abaı dańǵylynan Seıfýllın kóshesine deıingi bóligi jartylaı jabylady.
