Astanada A gepatıtiniń taraýy 88% artqan
ASTANA. QazAqparat – Astana qalasynyń bas memlekettik sanıtarlyq dárigeri Sarqyt Beısenova qaladaǵy epıdemıologııalyq-sanıtarlyq jaǵdaımen tanystyrdy, dep habarlaıdy QazAqparat tilshisi.
«Bıyl 6 aıdyń qorytyndysy boıynsha elordada ınfektsııalyq, parazıttik, karantındik jáne asa qaýipti ınfektsııalar boıynsha epıdemıologııalyq jaǵdaı turaqty dep baǵalanady. Osy kúnge deıin elordada tyrysqaq, ish súzegi, botýlızm, qyzamyq, dıfterııa, lısterıoz, sibir jarasy, qyshyma jáne taǵy basqa juqpaly aýrýlar tirkelmegen. Sanıtarııalyq qyzmet juqpaly aýrýlar boıynsha turaqty túrde profılaktıkalyq jáne epıdemııaǵa qarsy is-sharalardy ótkizip turady», - dedi Sarqyt Beısenova qalalyq kommýnıkatsııalar qyzmeti alańynda ótken baspasóz máslıhatynda.
Bas sanıtardyń aıtýynsha, ýaqytyly profılaktıkalyq sharalardyń nátıjesinde keıbir ınfektsııalyq aýrýlardyń taraýy tómendegen.
«Mysaly, almonellez 42%-ǵa, jedel ishek ınfektsııasy 5%-ǵa, skarlatına 56%-ǵa, bakterııalyq menıngıt 36%-ǵa, serozdy menıngıt 14%-ǵa, jelsheshek 40%-ǵa, enterobıoz 24%-ǵa jáne pedıkýlez 44%-ǵa tómendedi. Sondaı-aq týberkýlez, epıdparotıt, V jáne S gepatıti boıynsha kórsetkish ótken jylǵa qaraǵanda turaqty. Júrgizilip jatqan jumystarǵa qaramastan, 6 ınfektsııa boıynsha aýrý órshigeni baıqalady. Atap aıtqanda, vırýstyq A gepatıti 88%-ǵa, menıngokokk ınfektsııasy 84%-ǵa, tumaý 20 ese, JRVI 4 ese, qyzylsha 117 jaǵdaıǵa jáne dızenterııa 6 jaǵdaıǵa artyp otyr», - deıdi ol.
