Astanada 99 jerasty jáne jerústi ótpe jolyn salý qajet
ASTANA. 19 aqpan. QazAqparat - Astana qalasynyń Jolaýshylar kóligi jáne avtomobıl joldary basqarmasy elordada jaıaý júrginshilerge arnalǵan 26 jerasty jolynyń josparyn ázirledi.
Josparǵa sáıkes, qazirgi kezde Qonaev jáne Dostyq kósheleriniń boıynan osyndaı nysandardy salý jobasy ázirlenip jatyr. Bul týraly astana.kz saıtynan habarlandy.
Basqarma málimetterine qaraǵanda, búgingi tańda Astanada 5 jerasty jáne 3 jerústi joly bar. Al byltyrǵy 2012 jyly Qonaev kóshesiniń boıyndaǵy Opera jáne balet teatry jańa ǵımaratynyń janynan jerasty joly qurylysynyń jobasy iske asyrylǵan bolatyn. 2013 jyldyń josparynda Turan dańǵyly boıynda «Han Shatyr» SOO mańynan jerasty jolyn salý josparlanǵan.
«Bolashaqta qarjy bólinse, jerasty joldaryn salý jalǵasady. Astana qalasynyń Jolaýshylar kóligi jáne avtomobıl joldary basqarmasy júrgizgen taldaý kórsetkenindeı, qalada jalpy sany 99 jerasty jáne jerústi jolyn salý qajet», - delingen baspasóz habarlamasynda.
