Astanada 90 jyldan beri túrki áleminde bolmaǵan jıyn bastaldy (FOTO)
«Búgin Túrki akademııasynyń uıymdastyrǵan forýmda túrkologııa máselelerin, túrki tarıhy men ádebıetin, jalpy, HHІ ǵasyrdaǵy gýmanıtarlyq ǵylymdardyń damýy jóninde áńgime qozǵaımyz. Búgin bizdiń jıynymyzǵa jıyrmadan astam elden 200-den astam ǵalymy kelip otyr. Onyń ishinde halyqaralyqt uıymdardyń basshylary, halyqaralyq akademııalardyń basshylary, sonymen qatar, halyqaralyq sarapshylar bar. Jalpy, tórt panelden turatyn búgingi forýmdy biz Qoja Ahmet ıAssaýıdyń 800 jyldyǵyna, Júsip Balasuǵynnyń myń jyldyǵyna jáne Baký kongresiniń 90 jyldyǵyna, sonymen qatar, táýelsizdigimizdiń 25 jyldyǵyna arnap otyrmyz», - dedi D.Qydyráli forýmǵa kelgen jýrnalıstermen áńgimelese otyryp.
Jalpy, gýmanıtarlyq ǵylymdardyń bul forýmyna QR Memlekettik hatshysy Gúlshara Ábdiqalyqova, QR Prezıdenti keńsesiniiń basshysy, forým ótip jatqan Nazarbaev ortalyǵynyń dırektory Mahmud Qasymbekov, Islam Yntymaqtastyǵy uıymynyń janyndaǵy IRCICA uıymynyń bas dırektory Halıt Eren, ıÝNESKO isteri jónindegi Túrkııa ulttyq komıssııasynyń tóraǵasy M.Ójal Oǵyz, Atatúrik atyndaǵy mádenıet, til jáne tarıh jónindegi Joǵary qurylym basshysy Dárııa Órs qatysyp jatyr. Memlekettik hatshy Gúlshara Ábdiqalyqova QR Prezıdenti Nursultan Nazarbaevtyń forýmǵa joldaǵan lebiz hatyn jetkizdi.
Forým naqty qaı máselelerdi talqylaıdy degenge kelsek, Túrki akademııasynyń prezıdenti Darhan Qydyráliniń aıtýynsha, kún tártibinde túrki tili men ádebıeti salasyndaǵy máseleler qaralady.
«Túrkologııa ǵylymynyń mamandary osydan 90 jyl buryn Bakýde bas qosyp, túrkitaný ǵylymdarynyń zańdylyqtary boıynsha, túrki ádebıeti, túrki tili, túrki tarıhy boıynsha óte mańyzdy sheshimder qabyldaǵan bolatyn. Sodan beri túrki áleminde osyndaı jıyn ótken joq. Búgin biz 90 jyl burynǵy túrki áleminiń uly ǵalymdarynyń bas qosýynda qabyldanǵan sheshimderdiń jalǵasy týraly, ıaǵnı, dástúr sabaqtastyǵy týraly áńgimelesemiz», - dedi D.Qydyráli.
