Astanada 90 túlek «Altyn belgi» ıegeri atandy

Senbi, maýsymnyń 19-y kúni Astana ákimi Imanǵalı Tasmaǵambetov elordanyń eń úzdik oqýshylaryna saltanatty túrde tósbelgilerdi tabys etti.

2009-2010 oqý jylynyń qorytyndysy boıynsha, Astanada 2 915 túlek testileýden ótken. Olardyń ishinde 90 bala óz bilimderin dáleldep, «Altyn belgige» ıe boldy, 102 úmitkerdiń 39-y úzdik attestat aldy.

Astanadaǵy UBT ortasha kórsetkishi 97,4, ball, al respýblıka boıynsha 84,84 ball. Elordadaǵy eń joǵary balǵa №40 mekteptiń oqýshysy Saǵyndyq Ǵızzat qol jetkizdi.

UBT qorytyndysy boıynsha Astananyń bes mektebi úzdik júz respýbılıkalyq mektep qataryna qosylǵan.