Astanada 90-shy jyldardaǵy juldyzdardyń kontserti ótedi
ASTANA. QazAqparat - Elordanyń 20 jyldyǵy aıasynda Astanada 90-shy jyldardaǵy juldyzdardyń qatysýymen «I love Astana, I love 90's» atty kontsert ótedi, dep habarlaıdy QazAqparat.
Qalalyq Mádenıet jáne sport basqarmasynyń baspasóz qyzmetiniń málimetinshe, súıikti áýender keshi Amfıteatr sahnasynda 9 tamyz kúni saǵat 19:00-de ótkiziledi.
«Ashyq aspan astynda belgili mýzykalyq ujymdar men tanymal oryndaýshylar óz ónerin pash etedi. «Strelkı», «Vırýs» jáne «ALL Davay» toptary, sondaı-aq Karına Koks («Slıvkı» toby) ózderiniń tańdaýly ánderin usynady. Kesh qonaǵy - álemge tanymal «Ace of Base» tobynyń solısi Djennı Berggren (Jenny Berggren)», - delingen habarlamada.
Astana turǵyndary men qala qonaqtary súıikti áýenderin tyńdap, 90-shy jyldar atmosferasyndaǵy shoýdyń kýási bolady. Sonymen qatar, mádenı shara qonaqtaryna arnalǵan basqa da qyzyqty tosynsyılar josparlanǵan.
