Astanada 9 jasar balany qaǵyp ketken Taraz qalasynyń turǵyny ustaldy
ASTANA. 10 qarasha. QazAqparat /Gúlmıra Álıakparova/ - Astanada 9 jasar balanyń ólimine ákep soqqan jol-kólik oqıǵasyn jasaǵany úshin izdestirýde bolǵan Taraz qalasynyń turǵyny ustaldy. Polıtsııa kúdiktiniń basqa da qylmystarǵa qatysy barlyǵyn anyqtady.
Búgin ótken brıfıngide QR Іshki ister mınıstrligi Til saıasaty jáne aqparat departamentiniń jetekshisi Qýanyshbek Jumanov málim etkendeı, 29 jastaǵy tarazdyq, ІІM Krımınaldyq polıtsııa komıteti men Jambyl oblysynyń ІІD Krımınaldyq polıtsııa basqarmasynyń qyzmetkerleri júrgizgen jedel-izdestirý sharasy barysynda qolǵa tústi.
«Kúdikti aǵymdaǵy jylǵy naýryz aıynyń sońynda 9 jasar balanyń ólimine ákep soqqan jol-kólik oqıǵasyn jasaǵany úshin izdestirýde bolǵan. Sonymen birge oǵan ústimizdegi jyldyń tamyzynda Taraz qalasynda kásipkerdiń otbasyna qaraqshylyq shabýyl uıymdastyrdy degen aıyp taǵylyp otyr. Polıtsııanyń aldyn ala derekteri boıynsha, kúdikti bir top adammen polıtsııa qyzmetkerleriniń kıimderin kıip, kásipkerdiń úıine basyp kirgen. Úı ıesi men otbasy múshelerin qarýmen qorqytyp, jalpy somasy 15,5 mln. teńge bolatyn aqshalary men altyn buıymdaryn ıelengen», - dedi ol.
Q.Jumanovtyń aıtýynsha, aǵymdaǵy jyldyń qyrkúıek aıynyń sońynda Almaty qalasynda ótkizilgen jedel-izdestirý is-sharalary barysynda polıtsııa qyzmetkerleri osy qylmystyń eki qatysýshysyn ustaǵan.
