Astanada 9 jasar bala joǵalyp ketti
ASTANA. QazAqparat - Astana polıtseıleri joǵalǵan 9 jasar balany izdep jatyr, dep habarlaıdy QazAqparat tilshisi.
«10 mamyrda saǵat 12:10 kezinde «Alataý» sport kesheninen 9 jasar bala shyqqannan keıin iz-túzsiz joǵalyp ketti. Onyń esimi - Meıirjan. Bala ústine mektep formasy men kók tústi jeńsiz kúrteshe kıgen. Basynda «Real Madrıd» degen jazýy bar kók beısbolka. Sonymen qatar arqasyna kók tústi rıýkzak asynyp alǵan», - delingen Meıirjannyń ata-anasy taratqan málimette.
Astana ІІD baspasóz qyzmeti joǵalǵan balanyń ata-anasy polıtsııa kómegine júgingenin habarlady. «Jetkinshektiń ata-anasy polıtsııaǵa saǵat 12:50 kezinde habarlady. Polıtseıler balanyń júrgen jerin anyqtaý boıynsha izdeý sharalaryna jumyldyryldy», - delingen ІІD habarlamasynda.
