Astanada 9 sáýirden 15 maýsymǵa deıin Jeńis jáne Imanov kóshelerinde jol-qurylys jumystary júrgiziledi

Osyǵan baılanysty birneshe avtojoldarda qozǵalystar shekteledi.

«9 sáýir kúni qalanyń tarıhı bóligindegi eki mańyzdy kóshesi - Jeńis dańǵyly men Imanov kóshesinde jóndeý jumystary bastalady. Osyǵan baılanysty osy kúngi tańerteńnen bastap 15 maýsymǵa deıin Birjan sal kóshesiniń Gete kóshesinen Esenberlın kóshesine deıingi bóligi, Esenberlın kóshesinen Á.Moldaǵulova kóshesine deıingi Jeńis dańǵyly, ıAnýshkevıch kóshesinen Brýsılovskıı kóshesine deıingi Imanov kóshesinde qozǵalys shekteledi», - dep atap ótti búgin ótken baspasóz máslıhatynda Astana qalasynyń Jolaýshylar tasymaly jáne avtomobıl joldary basqarmasynyń bastyǵy Rashıd Amanjolov.

Onyń aıtýynsha, Jeńis dańǵylynyń vokzaldan bastap Á.Moldaǵulova kóshesine deıingi bóliginde ınjenerlik kommýnıkatsııalar tolyq aýystyrylatyn bolady. «Bul kóshede júıelerdiń basym bóligi 1980-shi jyldary salynǵan. Atalmysh kóshege jóndeý jumystary 2001 jyldan beri júrgizilgen joq. Sý jáne káriz qubyrlarynyń tozyǵy jetýi saldarynan onda jarylystar jıi bolady», - dedi ol.

R.Amanjolovty sózine qaraǵanda, sońǵy úsh jyldyń ózinde Jeńis dańǵylynda qubyrlar 35 ret jarylǵan. Bir jarylǵan qubyrdy jóndeýge shamamen 500-600 myń teńge jumsalatyn kórinedi.

Imanov kóshesinde de ınjenerlik júıeler túgelimen jańasyna aýystyrylyp, avtomobıl joly tórt jolaqqa deıin keńeıtiledi.

«Astana sý arnasy» MKK bas dırektorynyń eksplýatatsııa boıynsha orynbasary Sergeı Vılkov atap kórsetkendeı, ınjenerlik jelilerdi tóseý kezinde sý úshin joǵary qysymdy polıetılendi qubyrlar, al kárizge polıetılendi jáne ıilgish shoıynnan jasalǵan qubyrlar paılanatyn bolady. Olardyń jaramdyq merzimi 50 jyldan astam.

Ol sondaı-aq jóndeý jumystary júretin ýaqyt aralyǵynda qala turǵyndary sýmen qamtamasyz etý jáne sýdy aǵyzýmen qolaısyzdyqtar kórmeıtindigine sendirdi. «Tek qurylys aıaqtalǵan kezde aldyn ala eskertile otyryp sý 12 saǵatqa, eń kóp degende bir táýlikke berilmeýi múmkin», - dep naqtylady ol.

Al Jol polıtsııasy basqarmasy bastyǵynyń orynbasary Baqyt Malybaev, Jeńis jáne Imanov kóshelerin aınalyp ótý syzbasy ázirlengendigin jetkizdi. Usynylyp otyrǵan aınalma joldarda qazir qosymsha jol belgileri men baǵdarshamdar ornatyldy. Onymen birge árbir kósheni jóndeý jumystary aıaqtalǵanǵa deıin jol polıtsııasy ınspektorlary qadaǵalaıtyn bolady.

9 sáýir men 15 maýsym aralyǵynda jolaýshylar tasymalymen aınalystyn avtobýstardyń da baǵyttary ózgeretin bolady. Avtomobıl joldaryndaǵy ózgerister týraly tolyq aqparatty qala ákimdiginiń www.astana.kz saıtynan kórýge bolady.

Jalpy aǵymdaǵy jyly elordada 23,7 shaqyrym jol salynyp, 10 shaqyrymyna jóndeý, 18,5 shaqyrymyna qaıta jóndeý jumystary júrgiziledi. Qalamen birikken eldimekenderde 55,7 shaqyrym jol salynady. Sondaı-aq, Jolaýshylar kóligi jáne avtomobıl joldary basqarmasy qala shetinde ornalasqan 20 turǵyn aýmaqtyń 11-ine abattandyrý jumystaryn júrgizetin bolady. Úsh jylǵa josparlanǵan baǵdarlama negizinde 140,8 shaqyrym ınjenerlik jeli tartý kózdelip otyr. Qalǵan 9 turǵyn aýmaqtyń jobasyn Energetıka jáne kommýnaldyq sharýashylyq basqarmasy ázirleý ústinde.