Astanada 9 reıs keshiktirildi: Áýejaıdaǵy jolaýshylar ánmen kóńil kóterdi

Instagram-daǵy pablıkterdiń birinde jolaýshylardyń án salyp, kóńil kótergen vıdeosy jarııalandy.

«Áýejaıdaǵy jolaýshylar aýa raıynyń ashylýyn án aıtyp kútýde. Boranǵa baılanysty reıster saǵat saıyn keshiktirilip jatyr. Adamdar 9 saǵattan astam tosyp otyr», - delingen jazbada.

QR Indýstrııa jáne ınfraqurylymdyq damý mınıstrliginiń aqparatyna sáıkes, 23 naýryz kúngi aýa raıyna baılanysty astana áýejaıynda 9 reıs keshiktirilip, taǵy 6-aýyna ushýǵa ruqsat berilmedi.

Atap aıtqanda, keshiktirilgenderi:

· KS7056 Almatyǵa 15:20-dan 00:45-ke deıin;

· HY722 Tashkentke 17:00-den 00:00-ge deıin;

· KS956 Almatyǵa 17:45-ten 00:10-ǵa deıin;

· KS313 Aktaýǵa 18:15-ten 01:30-ǵa deıin;

· IQ427 Shymkentke 18:25-ten 03:00-ǵa deıin;

· KS954 Almatyǵa 18:55-ten 01:00-ge deıin;

· KS996 Almatyǵa 20:30-dan 01:20-ǵa deıin;

· KS992 Almatyǵa 21:30-dan 01:40-ǵa deıin;

· KS856 Almatyǵa 22:35-ten 00:00-ge deıin.

Oryndalýyna ruqsat berilmegen reıster:

· Qazaq Air 389 Jezqazǵan;

· Fly Arystan 7327 Shymkent;

· Scat 716 Shymkent;

· Scat 721 Aqtóbe;

· Qazaq Air 351 Almaty;

· Scat 702 Shymkent.

Eske salaıyq, «Nursultan Nazarbaev» Halyqaralyq áýejaıynyń ushyp-qoný alańyn qardan tazartý jumystarynyń sozylýyna baılanysty áýejaıdyń qyzmeti saǵat 03.00-ge deıin toqtatyldy.

Nur-Sultan qalasynyń áýejaıy qar tazalaý jumystaryn júrgizý úshin aldymen, saǵat 16:30-20:00 aralyǵynda jabyldy. Keıinnen bul merzim saǵat 00.00-ge deıin uzartyldy.

Búgin elordada qalyń qar jaýyp, boran soqty. Onyń ústine soltústik-batystan soqqan jeldiń jyldamdyǵy sekýndyna 9-14 metrge, oqtyn-oqtyn 15-20 metrge deıin jetedi.

Qaladan shyǵatyn barlyq baǵyttaǵy jol jabyldy. «Rýbej» beketterinde 164 kólik toqtap tur.