Astanada 9 qabatty turǵyn úıdiń órtenip jatqan kireberisinen 61 adam qutqaryldy - QR TJM
ASTANA. 1 qarasha. QazAqparat - Búgin Astanadaǵy 9 qabatty úıde elektr kabelderi órtendi, 61 adam qutqaryldy, dep habarlaıdy QR TJM baspasóz qyzmetinen.
Búgin Astanada Kenesary kóshesinde ornalasqan «Zolotoı dom» TK-niń 9 qabatty turǵyn úıindegi kireberisterdiń birinde elektr kabelderi órtene bastady.
Jalyn tili 10 sharshy metr aýmaqqa tarady. 61 adam qutqaryldy, sonyń ishinde 15 bala boldy. 25 adam qaýipsiz jerge kóshirildi, aralarynda 7 bala bar.
Órt saldarynan ıis tıip ýlanǵan 1933 jylǵy zeınetker, 1938 jáne 1954 jylǵy eki áıel jáne 18 jastaǵy boıjetken aýrýhanaǵa jetkizildi.
Órtti sóndirýge Astana qalalyq TJD órt sóndirý qyzmetiniń 30 adamy men 9 tehnıka birligi, QR TJM «AMO» MM-niń 3 adamy men 1 tehnıkasy jumyldyryldy.
