Astanada 9 baldyq keptelister tirkeldi

ASTANA. KAZINFORM – 2GIS qosymshasyndaǵy kartada elorda joldaryndaǵy kólik keptelisi 9 ball deńgeıinde jetti, dep habarlaıdy Kazinform tilshisi.

2GIS derekterine súıensek, qalanyń barlyq negizgi kósheleri «qyzyl» túspen boıalǵan. Atap aıtqanda, Saraıshyq, Dostyq, Qabanbaı batyr, Turan, Syǵanaq, Aqmeshit jáne basqa da baǵyttarda qozǵalys múldem turalap qalǵan.

Kýágerlerdiń aıtýynsha, Vetnam Kommýnıstik partııasy Ortalyq komıtetiniń Bas hatshysy To Lamnyń Astanaǵa kelýine baılanysty birneshe shaqyrymdyq keptelister paıda bolǵan.

Qurmetti qonaqty Prezıdent Qasym-Jomart Toqaev elorda áýejaıynda qarsy aldy.

Sonymen birge, Astanada Á.Sembınov kóshesinen E. Brýsılovskıı kóshesine deıingi ýchaskede Kenesary kóshesi jóndeý jumystary úshin jabylady.

Foto: 2GIS