Astanada 9 avtobýstyń baǵyty ýaqytsha ózgerdi
ASTANA. KAZINFORM – 13 mamyrdan bastap Astanada № 8, 9, 13, 22, 22A, 40, 55A, 55B jáne 72 avtobýstarynyń qozǵalys baǵyty ýaqytsha ózgertildi.
Bul týraly «City Transportation Systems» JShS habarlady.
Ózgerister jol jóndeý jumystarynyń júrgizilýine baılanysty engizildi. Ýaqytsha baǵyttar negizgi aıaldamalardan barynsha az aýytqý eskerilip jasalǵan.
— № 8, 9, 13, 55A, 55B, 22, 22A, 40, 72 baǵdarlarynyń qozǵalys syzbasy ýaqytsha ózgerdi, — delingen habarlamada.
CTS kompanııasy jolaýshylardan saparlaryn aldyn ala josparlap, resmı resýrstar men mobıldi qosymshalardaǵy jańartýlardy baqylap otyrýdy suraıdy.
Buǵan deıin Astanada jóndeý jumystaryna baılanysty qaı kóshelerdiń jabylatyny týraly jazǵan edik.
