Astanada 9 500 oryndyq 8 mektep salynýda
ASTANA. 16 tamyz. QazAqparat - Jyl basynan beri Astanada 9500 oryndyq 8 mekteptiń qurylysy qolǵa alynǵan. Bul týraly astana.kz saıtyna elordalyq bilim basqarmasynan habarlady.
Atap aıtqanda, olar: № 50 jáne Sh.Qaldaıaqov kósheleriniń aýdanyndaǵy mektep, Jumabaev kóshesiniń shyǵysyna qaraı Saraıshyq kóshesindegi mektep, Túrkistan, Kereı, Jánibek handar jáne Orynbor kósheleriniń oramyndaǵy mektep, Orynbor, Eńbekshiler jáne Kereı, Jánibek handar kósheleriniń qıylysyndaǵy mektep, jobalanǵan «Batyǵaı» TK aýdanyndaǵy mektep, Jeleznodorojnyı kentindegi mektep, №41 jáne Mırzoıan kóshesiniń jalǵasynyń qıylysyndaǵy mektep.
«2013 jylǵy 1 qyrkúıekke deıin «Batyǵaı» TK 1200 oryndyq mektepti ashý josparlanǵan. Al jyl sońyna deıin eki mektep (Jeleznodorojnyı kentindegi mektep, № 41 jáne Mırzoıan kósheleriniń qıylysyndaǵy mektep) paıdalanýǵa berilmek», - dep habarlady vedomstvodan.
Budan basqa, «Balapan» baǵdarlamasynyń aıasynda bıyl 2600 oryndyq 6 memlekettik, 8 jekemenshik balabaqsha, 2 shaǵyn ortalyq ashylyp, jumys istep jatyr. 2800 oryndyq 12 balabaqshanyń jáne №4 balabaqshaǵa 60 oryndyq qosymsha ǵımarattyń qurylysy júrgizilýde.
