Astanada 85 jyl burynǵy ystyq rekord qaıta tirkeldi
ASTANA.KAZINFORM — Astanada 23 maýsym kúni aýa temperatýrasy +36,8°C-qa deıin kóterilip, 85 jyldyq rekord jańartyldy. Buǵan deıingi eń joǵary kórsetkish 1941 jyly tirkelgen +36,4°C bolǵan edi. Bul týraly «Qazgıdromet» RMQ málim etti.
— 2026 jylǵy 23 maýsymda Astanada osy kún úshin jańa temperatýralyq rekord ornatyldy. Aýanyń eń joǵary temperatýrasy +36,8°C-qa jetip, aldyńǵy rekordtan 0,4°C-qa joǵary boldy. Buǵan deıin 23 maýsymdaǵy eń joǵary kórsetkish +36,4°C bolyp, 1941 jyly tirkelgen edi, — delingen habarlamada.
Aıta keteıik, buǵan deıin sınoptıkter aldaǵy úsh kúnge arnalǵan aýa raıy boljamyn jarııalady. Respýblıka aýmaǵyndaǵy aýa raıyn soltústik-batys tsıklony jáne onymen baılanysty atmosferalyq frontaldy bólikter aıqyndaıtyn bolady. Osyǵan baılanysty jańbyr jaýyp, naızaǵaı oınaıdy, burshaq túsýi, jeldiń ekpindi kúsheıýi jáne shańdy daýyldar kútiledi.
