Astanada 85 dzıýdo sektsııasy ashylady
ASTANA. QazAqparat - Búgingi tańda qalada 100-den astam dzıýdo sektsııasy jumys isteıdi. 2019 jyly taǵy da 85 sektsııa ashylǵaly tur, dep habarlaıdy Astana ákimdiginiń resmı saıty.
Astanadaǵy dzıýdo federatsııasynyń prezıdenti Danııar Esınniń aıtýynsha, sporttyń osy túriniń damýyna Astanada 2018 jyldyń 13-16 qarashasynda ótetin dzıýdodan Qazaqstan chempıonaty óz septigin tıgizbek.
«Bul biz úshin erekshe oqıǵa, sebebi erler men áıelder arasyndaǵy dzıýdo boıynsha eldegi chempıonat bizdiń qalamyzda birinshi ret ótkeli tur.Astana sporttyń bul túrin birigip damytýǵa barynsha daıyn. Ásirese, jastardy tartý mańyzdy. Búgingi tańda qalada 100-den astam dzıýdo sektsııasy jumys isteıdi. 2019 jyly taǵy da 85 sektsııa ashýdy josparlap otyrmyz. Bul jarys bizdiń komandaǵa úlken serpin bermek. Sondaı-aq, jarys qorytyndysy boıynsha básekeli, tıimdi ulttyq qurama qalyptasatyn bolady», - dedi ol.
