Astanada 82 mıgrant taksı qyzmetimen zańsyz aınalysqan
NUR-SULTAN. QazAqparat – Jyl basynan beri elordada zańsyz taksı qyzmetin kórsetken 82 sheteldik anyqtaldy. Bul týraly Nur-Sultan qalalyq Polıtsııa departamentiniń baspasóz qyzmetinen málim etti, dep habarlaıdy QazAqparat tilshisi.
«Elordada taksımen jolaýshylardy zańsyz tasymaldaýmen negizinen shetel azamattary aınalysady. «Qaýipsiz jol» jedel-aldyn alý is-sharasy aıasynda 19 shildeden beri elordada 32 zańsyz taksı ustaldy.
Jyl basynan beri tıisti tirkeýsiz kásipkerlikpen nemese ózge qyzmetpen aınalysqany, is-sharalardy júzege asyrǵany úshin 125 ákimshilik is qozǵaldy. Onyń ishinde 82 is jaqyn shetelden kelgen zańsyz tasymaldaýshylarǵa qatysty.
Sondaı-aq patrýldeý barysynda polıtsııa qyzmetkerleri sheteldik azamattar basqarǵan eki zańsyz taksıdi ustady. Olardyń ekýi de Ózbekstan Respýblıkasynyń azamattary.
Zańsyz taksı qyzmetimen aınalysqan sheteldikterge qatysty Ákimshilik kodekstiń 463-baby boıynsha hattama toltyrylyp, kólikteri aıyp turaǵyna qoıyldy», - dep málim etti quzyrly organnyń baspasóz qyzmetinen.
Eske salsaq, buǵan deıin bas shaharda 26 zańsyz taksıst ustalǵanyn habarlaǵan edik.
