Astanada 80 myńnan astam búldirshin balabaqsha kezeginde tur
ASTANA.QazAqparat - Astanada 83 myńnan astam búldirshin balabaqsha kezeginde tur. Bul týraly búgin «Astanada bilim berý salasynda sapaly qyzmettiń qoljetimdiligi baǵytyndaǵy ahýal» taqyrybynda ótken qoǵamdyq tyńdaýda Astana qalasy Bilim basqarmasy basshysynyń orynbasary Baǵlan Smataeva málim etti.
«Búgingi tańda Astanada 83 myńnan astam búldirshin balabaqsha kezeginde tur. Josparly túrde biz olardy ornalastyrý boıynsha jumystardy qarqyndatyp otyrmyz, máselen jaqynda ǵana mamyr aıynda 6 myń orynǵa balabaqsha paıdalanýǵa berildi, endi osy kezektegi 6 myń bala balabaqshaǵa barady. Memlekettik dotatsııa boıynsha, ata-analar 23 myń teńge tóleıdi, qalǵan 15 900 teńgeni úkimet tóleıdi. 2015 jyly 680 orynǵa 3 balabaqsha salynady dep josparlanǵan. Al 2016 jyly taǵy 6 balabaqsha paıdalanýǵa beriledi», - deıdi B. Smataeva.
Onyń aıtýynsha, kezekte turǵandardyń sonshalyqty kóp bolýy birinshiden, Astanaǵa aǵylǵan halyqtyń kóptiginen, ekinshiden, bala týý kórsetkishiniń joǵary bolýynan oryn alyp otyr. Qala ákimshiligi balabaqsha salyp úlgermeı jatyr.
Qazirgi ýaqytta QR BǴM balabaqshadaǵy oryndardyń jetispeýshiligin azaıtý maqsatynda 2020 jylǵa deıin arnaıy jospar qabyldady.
