Astanada 80 myńnan astam adam senbilikke shyǵady
ASTANA. QazAqparat - Ádettegideı kóktemde elordada ekologııalyq aılyq ótkiziledi. Bıyl alǵashqy ekologııalyq senbilikti ótkizý 23 sáýirge belgilenip otyr. Elordany tazartý jumystaryna 80 myńnan astam qala turǵyny qatysady dep kútilýde.
Elordanyń resmı saıtynyń habarlaýynsha, jalpyqalalyq senbilikke memlekettik uıymdardyń, shaǵyn jáne orta bıznes sýbektileriniń ókilderi, stýdentter men oqýshylar, PIK ókilderi, qala turǵyndary qatyspaq. Osy kúni Astananyń úsh aýdany turǵyndarynyń kúshimen 1000 jýyq aǵash otyrǵyzý kózdelgen.
Senbilikke 300 astam arnaıy tehnıka, ásirese, júk kólikteri men tıegishter tartylmaq. Sonymen qatar, «Astana Zelenstroı» jáne merdigerlik uıymdardyń jumysshylary saıabaqtardy, gúlzarlardy jınap, aǵashtardyń bastaryn kesedi, qoqystardy jınap, shyǵarady. Ekologııalyq aılyq barysynda Astana qalasy aýdandarynyń aýmaǵyn abattandyrý, sanıtarlyq tazartý jáne kógaldandyrý jumystary jalǵasyn tabady.
