Astanada 8 jyl kútken «Jeti jol» turǵyn úı kesheniniń úleskerleri páter kiltin aldy
Qurylysy uzaqqa sozylǵan qurylystyń aıaqtalýymen Nur-Sultan qalasy ákimdiginiń ýákiletti uıymy «Elorda qurylys kompanııasy» JShS aınalysty.
«Tuńǵysh Prezıdent kúni qarsańynda Nur-Sultan qalasynyń ákimdigi taǵy bir turǵyn úı kesheniniń qurylysyn aıaqtady. 2-kezek «Jeti jol« TK 2018 jyly problemalyq dep tanyldy. Bastapqy merdigerdiń qurylysy 2013 jyly bastaldy. 8 jyldan keıin «Jeti jol« TK - niń 600-ge jýyq úleskeri óz páterleriniń kiltin aldy», - dedi «Elorda qurylys kompanııasy» JShS basqarýshy dırektory Maqsat Shaıahmetov.
Aıta keteıik, Tuńǵysh Prezıdent – Elbasynyń bastamasymen 2020-2025 jyldarǵa arnalǵan «Nurly jer» memlekettik turǵyn úı-kommýnaldyq damý baǵdarlamasy quryldy.
«Elorda qurylys kompanııasy» JShS memlekettik baǵdarlama aıasynda Nur-Sultan qalasy ákimdiginiń vedomstvoaralyq komıssııasy usynǵan problemalyq nysandardyń qurylysyn qarjylandyrady.
Kompanııanyń basqarýshy dırektorynyń aıtýynsha, 2021 jyldyń sońyna deıin ákimdik «Elorda qurylys kompanııasy» JShS aldyna 7,5 myń úlesker bar 18 obektidegi 57 úıdiń problemasyn sheshý mindetin qoıǵan.
Onyń ishinde 31 úıdiń máselesi sheshildi, 4,3 myńnan astam úleskerge óz páterlerin jóndeý úshin kiltter beriledi.
Elorda úleskerleriniń problemalyq máselelerin 2022 jyldyń sońyna deıin sheshý josparlanǵan.
«Men «Jeti jol» TK úleskerimin. Biz páterimizdi 8 jylǵa jýyq kúttik. Búgin biz úshin qýanyshty oqıǵa. Biz kiltimizdi aldyq», - degen úlesker Jarasqan Baıtasova qýanyshymen bólisti.
Olga Vladımırovna da búgin qonys toıyn toılaýda. 600 úleskerdiń qatarynda bolǵan ol jyldar boıy óz baspanasyn kútti.
«Men páterdi 8 jyldan astam ýaqyt kúttim. Barshańyzdy osy merekemen quttyqtaǵym keledi, aqyry biz kúttik. Bizdi qoldaǵany úshin Prezıdentimizge úlken alǵysymyzdy bildiremiz», - dedi «Jeti jol» TK páter ıesi.
Aıta keteıik, 2019 jyldyń jazynda elordada 150-den astam turǵyn úı bolǵan.
Memleket basshysynyń tapsyrmasy boıynsha uzaq qurylys jumystaryn aıaqtaý boıynsha júıeli jumystar júrgizilýde.
2019 jyldyń jarty jylynda 13 kóppáterli turǵyn úı kesheni salynyp, paıdalanýǵa berildi. 2020 jyly 20 kóppáterli turǵyn úı aıaqtaldy.
Bıyl elordada taǵy 57 problemalyq kóppáterli turǵyn úı kesheniniń qurylysyn aıaqtaý josparlanýda, 7 myńnan astam úlesker kópten kútken páterlerine ıe bolady.
Úlestik qurylystyń árbir obektisi boıynsha qadamdyq is-sharalar jospary bar.
Qurylys jumystarynyń aıaqtalý barysy Memleket basshysynyń baqylaýynda.
