Astanada 8 jasar balany kólik qaǵyp ketken kóshe jaryqtandyrylatyn boldy
ASTANA. QazAqparat – Elordada 8 jasar balany kólik qaǵyp ketken kóshege qysqa merzim ishinde jaryq ornatylady, dep habarlaıdy QazAqparat tilshisi qala ákimdigine silteme jasap.
«Atalǵan másele baqylaýda. Kóshe qysqa merzim ishinde jaryqtandyrylady. Osyǵan deıin jaryq ýaqytsha shema boıynsha berilgen, sebebi kóshege jaryq ornatý jumysy tolyq bitpegen. Másele qysqa merzimde sheshilip, jaryq tolyq kólemde beriledi», - dep sendirdi elorda ákimdigi.
Buǵan deıin habarlaǵanymyzdaı, Astanada 8 jasar balany kólik qaǵyp ketken kósheni turǵyndar bógep tastady.
«Búgin saǵat 17:50 shamasynda «Toyota Highlander» avtokóliginiń júrgizýshisi Buqar jyraý kóshesimen kele jatyp, baǵdarshamnyń tyıym salynǵan sıgnalyna ótip bara jatqan kámeletke tolmaǵan balany qaǵyp ketti. Jol apaty saldarynan 8 jasar bala qalalyq aýrýhanaǵa jetkizilip, dárigerlerdiń qaraýynan keıin úıine jiberildi. Balany qaǵý oqıǵasynan keıin jaqyn mańdaǵy turǵyndar joldy jaýyp tastady. Jınalǵandarmen áńgime júrgizildi. Atalǵan ýchaskeni jaryqtandyrý qajettigi týraly aqparat jergilikti atqarýshy organǵa jetkizildi», - degen habar taratty ІІM.
