Astanada «8 naýryzǵa arnalǵan syılyqtar» kórme-jármeńkesi ótedi
ASTANA. QazAqparat - Astanada 1-8 naýryz aralyǵynda Kongress-hollda Halyqaralyq áıelder kúnine oraılastyrylǵan «8 naýryzǵa arnalǵan syılyqtar» kórme-jármeńkesi ótedi. Bul týraly elorda ákimdiginiń resmı saıtynan habarlaıdy.
«8 naýryz - Halyqaralyq áıelder kúnine oraı elorda turǵyndary men qonaqtaryna kórme-jármeńke uıymdastyrylyp, merekelik baǵdarlama usynylady. «8 naýryzǵa arnalǵan syılyqtar» - súıikti jandarǵa, áıelderge, qyzdarǵa, analarǵa, qurbylarǵa arnalǵan jarqyn kórme», - dep habarlaıdy uıymdastyrýshylar.
Kórme-jármeńkede kópshilik nazaryna syılyq jıyntyqtary, kádesyılar, zergerlik buıymdar, kosmetıka, parfıýmerııa, oıynshyqtar, toqyma, densaýlyqqa jáne úıge arnalǵan taýarlardyń alýan túri usynylady.
Aıta keteıik, shara kezinde utys oıyndary ótkizilip, oıyn-saýyq baǵdarlamalary uıymdastyrylmaq.
Eske salaıyq, kórme-jármeńke Kongress-holl saraıynda 1-8 naýryz aralyǵynda kún saıyn saǵat 10.00-nan 20.00-ge deıin ótedi. Kirý tegin.
