Astanada 8 naýryz merekesine oraı qandaı sharalar josparlanǵan

ASTANA. KAZINFORM — Astanada 8 naýryz — Halyqaralyq áıelder kúni qarsańynda mádenı, sporttyq, áleýmettik jáne qaıyrymdylyq baǵytyndaǵy ondaǵan is-shara ótkizý josparlanyp otyr, dep habarlaıdy elorda ákimdiginiń resmı saıty.

Merekelik baǵdarlamalar teatrlar men kontsert zaldarynda, mýzeıler men kitaphanalarda, sport keshenderinde, bilim berý uıymdarynda jáne qalanyń qoǵamdyq keńistikterinde ótedi.

5 naýryz kúni Baıqońyr aýdanynda «Aınadaǵy arý» atty ınteraktıvti ınstallıatsııalyq is-shara uıymdastyrylady. Aýdannyń adam kóp jınalatyn oryndarynda ornatylǵan áshekeıli aınalar arqyly áıelderdiń sulýlyǵy men merekelik kóńil kúıi aıshyqtalady.

Osy kúni Qoshqarbaev kóshesi, 29/1 mekenjaıyndaǵy Belsendi uzaq ómir súrý ortalyǵynda «Kelin eneniń topyraǵynan» atty baıqaý ótedi.

Sondaı-aq № 10 mektep-gımnazııasynda Baıqońyr aýdany memlekettik mekemelerinde jumys isteıtin áıelder arasynda voleıboldan týrnır uıymdastyrylady.

Ál-Farabı atyndaǵy Oqýshylar saraıynda ulttyq sán úlgileriniń «Moda FEST» defılesi ótedi.

6 naýryz kúni elordada saǵat 11:00–den 19:00–ge deıin túrli kontsertter, ádebı-mádenı keshter, sheberlik sabaqtary, sporttyq jarystar jáne onlaın jobalar uıymdastyrylady.

Qoǵamdyq tamaqtandyrý jáne servıs kolledjiniń sport kesheninde Almaty aýdanynyń memlekettik mekemelerinde jumys isteıtin áıelder arasynda voleıbol týrnıri ótedi.

Erekshe bilim berýdi qajet etetin balalar úshin «Ananyń beınesi» atty respýblıkalyq onlaın sýret baıqaýy uıymdastyrylady (Balalar kórkemsýret mektebi).

Halyqaralyq áıelder kúnin merekeleý aıasynda Saraıshyq aýdanynyń zeınetkerleri arasynda Belsendi uzaq ómir súrý ortalyǵynda toǵyzqumalaqtan týrnır ótedi.

Baıqońyr aýdanynda analarǵa arnalǵan «Shynaıy alǵys — júrekten shyqqan syı» atty kontserttik baǵdarlama uıymdastyrylady.

Sintez izdenis-eksperımenttik teatrynyń sahnasynda «Arýlar asyl jandar» atty poezııalyq kesh ótedi.

Saǵat 15:00–de Óner mýzeıinde «Anaǵa taǵzym — arýǵa qurmet» atty kontsert uıymdastyrylady.

Saǵat 19:00–de «Naz» memlekettik bı teatrynyń sahnasynda «Aıaýly ana» atty kontsert ótedi.

Saǵat 19:00–de E. Rahmadıev atyndaǵy Memlekettik akademııalyq fılarmonııa sahnasynda «O chem poıýt mýjchıny» atty kontsert uıymdastyrylady.

«Saǵynysh qońyraýy» atty is-shara «Memlekettik arhıv» memlekettik mekemesiniń ǵımaratynda ótedi.

7 naýryz kúni Astanada áıelderge arnalǵan birqatar merekelik is-sharalar josparlanǵan.

Bul kúni qala aýmaǵynda elorda turǵyndaryna gúl taratý aktsııasy uıymdastyrylady.

№ 108 orta mektepte (E117 kóshesi, 40a) «8 naýryz — Halyqaralyq áıelder kúni» merekesi aıasynda Esil aýdanynyń jalpy bilim beretin mektepteriniń áıel muǵalimderi arasynda voleıbol týrnıri ótedi.

Sondaı-aq Nura aýdanynyń jalpy bilim beretin mektepteriniń muǵalimderi arasynda ulttyq oıyndardan (toǵyzqumalaq, bes asyq, armrestlıng, láńgi tebý) jarystar uıymdastyrylady.

Saǵat 19:00–de «Jastar» teatrynyń sahnasynda «Janarymdaǵy jalǵyz áýen» atty teatrlandyrylǵan kontserttik baǵdarlama usynylady.

Saǵat 18:00–de Ázerbaıjan Mámbetov atyndaǵy Memlekettik drama jáne komedııa teatrynda «Kelinder kóterilisi» spektakli qoıylady.

7 naýryz kúni áleýmettik jelilerde «Janymda júr jaqsy adam…» atty vırtýaldy kórme jarııalanady.

Sol kúni áleýmettik jelilerde «Ot mýjchın. S ývajenıem» atty chellendj bastalady.

7–8 naýryz kúnderi Saraıshyq aýdany aýmaǵynda turǵyndarǵa qyzǵaldaq taratý aktsııasy uıymdastyrylady.

8 naýryz kúni Saraıshyq aýdanynda aýdan ákiminiń qatysýymen Halyqaralyq áıelder kúnine arnalǵan saltanatty is-shara ótedi.

8 naýryz kúni onlaın formatta mektep hor ujymdarynyń «Anaǵa arnaý» atty merekelik chellendji uıymdastyrylady.

Sondaı-aq 10 naýryz kúni Saryarqa aýdanynyń turǵyndary arasynda «Úmit» daǵdarys ortalyǵynda «Kóńildi starttar» atty jarystar ótedi.

Osydan buryn Astanada 8 naýryz qarsańynda azyq-túlik jármeńkesi ótetinin jazǵanbyz.