Astanada 8 naýryz qarsańynda azyq-túlik jármeńkesi ótedi

ASTANA. KAZINFORM — Halyqaralyq áıelder kúnine oraı, 7 jáne 8 naýryz kúnderi elordada azyq-túlik jármeńkesi ótedi, dep habarlaıdy Astana ákimdiginiń resmı saıty.

Jármeńkede Qazaqstannyń ár óńirinen kelgen jergilikti fermerler men óndirýshilerdiń ónimderi usynylady.

Qala turǵyndary men qonaqtary kókónis pen jemis-jıdek, et, un jáne sút ónimderi, bálishter, pisirilgen nan-toqashtar, tabıǵı shyryndar, djemder jáne taǵy basqa ónimderdi arzan baǵada satyp ala alady.

Sonymen qatar, 8 naýryz qarsańynda jármeńkede gúl ónimderi satylymǵa shyǵady — kelýshiler jańa shyqqan gúlder men merekelik gúl shoqtaryn ala alady.

Іs-shara 7 jáne 8 naýryz kúnderi saǵat 10:00–den 19:00–ge deıin «Keryen Joly» saýda ortalyǵynda (Alash tasjoly, 35B) ótedi. Qonaqtardyń yńǵaılyǵy úshin jármeńke oryndarynyń janynda № 7, 11, 39, 41, 45, 53, 59, 81, 307, 317 avtobýs marshrýttary júredi.

Budan buryn 8 naýryz – Halyqaralyq áıelder kúni qarsańynda «Astana Jastary» jastar resýrstyq ortalyǵy «Janymda júr jaqsy adam...» atty fotobaıqaý ótkizýdi qolǵa alǵanyn jazǵanbyz.