Astanada 8 avtokólik urlaǵan ákki tonaýshy ustaldy - ІІD
ASTANA. 14 jeltoqsan. QazAqparat /Jasulan Amanbaıuly/ - Astanada bir jarym jyldan astam ýaqyt boıy avtokólik urlaýmen aınalysqan qylmysker quryqtaldy. Bul týraly búgin brıfıngte Astana qalalyq ІІD-niń Jol polıtsııasy basqarmasy jedel-izdestirý bóliminiń bastyǵy Eljan Shópekov málim etti.
7 jeltoqsanda Astana qalalyq ІІD-niń Jol polıtsııasy basqarmasy jedel-izdestirý bóliminiń qyzmetkerleri tergeý barysynda avtokólik urlaýshy kúdikti áshkereledi. Kúdikti 19 jastaǵy Reseı Federatsııasynyń azamaty Týla oblysynyń turǵyny bolyp shyqty. Qazir ol Aqmola oblysy, Astanadan 100 shaqyrym jerde ornalasqan Pervomaıka aýylynda turatyn kórinedi.
«Astanada onyń týǵan-týystary turady. Ara-tura ol sol týysqandarynyń úıine qysqa ýaqytqa kelip-ketip júrgen. Bir jarym jyl ishinde oǵan elorda kóshelerinen 8 avtokólikti aıdap áketýge múmkin bolǵan», - deıdi E. Chýpekov.
Bir aıta keterligi, ury tek reseılik «VAZ» avtokólikterine «mamandanǵan» eken.
«Sáti túskende kez kelgen ýaqytta dabylqaqqyshy joq kólikterdi ashý úshin, ol ózimen birge qaıshy ustap júretin bolǵan. Úıinde kishigirim TQS ashyp qoıǵan. Múmkin sol jerde kólikterdi ashýǵa daıyndalyp, urlanǵan avtokólikterdi qosalqy bólshekterge aınaldyryp otyrsa kerek», - dep atap kórsetti E. Shópekov.
Onyń aıtýynsha, urynyń saıman ótkizý arnalary durys jolǵa qoıylmaǵan. Sol sebepti ol saımandardy arzan baǵamen satýǵa májbúr bolypty.
Ustalǵan kúdikti buryndary sottalmaǵan, ol urlanǵan 8 avtokólik faktisi boıynsha qylmysty óz moınyna aldy. Eger sot ony kináli dep tapsa, oǵan 5 jyldan 7 jylǵa deıin bas bostandyǵynan aıyrý jazasy berilýi múmkin.
