Astanada 78 jastaǵy zeınetkerdi uryp, tonap ketken qylmysker ustaldy
NUR-SULTAN. QazAqparat – Nur-Sultan qalalyq polıtsııa departamenti Patrýldik polıtsııa polkiniń qyzmetketkerleri qart adamdy tonaǵan kúdiktini izin sýytpaı ustady, dep habarlaıdy QazAqparat Nur-Sultan qalasy PD baspasóz qyzmetine silteme jasap.
Oryn alǵan qylmys jaıynda 78 jastaǵy zeınetker polıtsııaǵa habarlaǵan. Qart adamnyń aıtýynsha, túski ýaqytta Beısekov kóshesimen úıine qaraı ketip bara jatqan sátte jas jigit júginip, qaı jerden túski as ishýge bolatyndyǵyn suraǵan. Eshteńeden kúdiktenbegen zeınetker qaı jerden tamaqtanýǵa bolatyndyǵyn túsindirip jatqan sátte soqqy alǵan. Kúdikti qart adamnyń aqsha, qujattar jáne eki uıaly telefon salynǵan qol sómkesin tartyp alyp, belgisiz baǵytta boı tasalaǵan. Jarty jolda qol sómkeden aqsha men uıaly telefondardy alyp, qujattardy laqtyryp ketken.
«Elordanyń polıtsııa departamentiniń Jedel basqarý basqarmasy qyzmetkerleriniń shuǵyl is-qımylynyń arqasynda kúdikti anyqtaldy. Patýrldik polıtsııa polkiniń ekıpajy 30 jastaǵy jigitti qolǵa túsirdi. Ustalǵan azamattyń buǵan deıin qylmystyq jaýapkershilikke tartylǵany anyqtalyp otyr. Kúdikti ýaqytsha oqshaýlaǵyshqa qamalyp, «Tonaý» babymen qylmystyq is qozǵaldy», - delingen taratylǵan aqparatta.
