Astanada 78 azot ballony men ondaǵan keli esirtki tárkilendi

ASTANA. KAZINFORM – Oıyn-saýyq oryndarynda 67 túngi reıd júrgizildi. Nátıjesinde 117 adam ákimshilik jaýapkershilikke tartylyp, 78 suıyq azot ballony tárkilendi. Bul týraly Astana qalasynyń prokýratýrasynyń baspasóz qyzmeti habarlady. 

Elorda prokýratýrasynyń bastamasymen polıtsııa, ákimdik, eriktiler men qoǵam ókilderiniń qatysýymen esirtkiniń zańsyz aınalymyna qarsy kúres jáne nashaqorlyqtyń aldyn alý aılyǵy ótkizildi.

Oryndardy táýlik boıy kúzetý barysynda 142 qylmys anyqtaldy, onyń ishinde: 124 - esirtki zattaryn saqtaý, 15 - ótkizý, 3 - tyıym salynǵan ósimdikterdi ósirý. Jalpy 21 kg marıhýana, 11 kg gashısh, 437 g mefedron, 166 g kannabıs ósimdigi, 1 kg kannabıs shaıyry tárkilendi.

Bazarlar men logıstıkalyq kompanııalardyń qoımalary, jataqhanalar, vokzaldar tekserildi.

Mysaly, «Kúıgenjar» beketinde kólik toqtatylyp, onda alfa-PVP esirtki zaty tabylǵan. Júrgizýshi esirtkini qoldanǵany anyqtaldy. Oǵan qatysty sotqa deıingi tergep-tekserý bastaldy.

100 myń adamdy qamtıtyn 300-den astam aýqymdy profılaktıkalyq is-sharalar júrgizildi. Múlik ıeleriniń birlestigi ókilderimen kezdesýler, elordanyń oqý oryndarynda lektsııalar men ınteraktıvti oıyndar, brıfıngter, sporttyq jáne qoǵamdyq aktsııalar, sonyń ishinde graffıtı boıaý boıynsha is-sharalar uıymdastyryldy.

Oıyn-saýyq oryndarynda 67 túngi reıd júrgizildi.

Nátıjesinde 117 adam ákimshilik jaýapkershilikke tartylyp, 78 suıyq azot ballony tárkilendi.

Aıta ketelik Qaraǵandyda sıntetıkalyq esirtki óndirýmen aınalysqan qylmystyq top ustaldy.