Astanada 76 bilim berý mekemesinde beınebaqylaý kamerasy ornatylǵan
ASTANA. QazAqparat - Oqýshylardyń qaýipsizdigin qamtamasyz etý úshin 76 bilim berý mekemesinde (44 mektep, 22 balabaqsha, 6 kolledj, «Arman» lageri, «Shyǵys» BJO) beınebaqylaý kamerasy ornatyldy, dep habarlaıdy elorda ákimdiginiń baspasóz qyzmeti.
«Bolashaqtyń mektebi - búgin» jobasy aıasynda 17 mektep kirýdi baqylaýdyń keshendi júıesimen qamtamasyz etildi.
2014-2015 oqý jyldary qalanyń 10 mektebinde balalardy mektepten úıge jetkizý júzege asyryldy. Osy maqsatta 20 kólik quraly bólingen. Barlyq avtobýstar bekitilgen baǵdar boıynsha júredi. Jobany Astana qalasynyń Jolaýshylar tasymaly jáne avtomobıl joldary basqarmasy qarjylandyryp otyr. Barlyǵy 1529 bala tasymaldanady, sonyń ishinde 1047-si І aýysymda, 482-si ІІ aýysymda oqıdy.
№65 mektep lıtseıinde korrektsııalyq synyptardaǵy 37 múgedek balany tasymaldaý úshin 10 ınvataksı uıymdastyryldy.
2015 jylǵy aqpannan bastap bilim berý qyzmetkerleri men ata-analardyń psıhologııalyq biliktiligin kóterý maqsatynda Psıhologııalyq qyzmet kabıneti ashyldy. 2015 jyldyń 1 qyrkúıeginen bastap 15 mektepte «Ózin ózi damytý psıhologııasy» fakýltatıvti kýrsy tájirıbege engiziledi.
Sonymen qatar, bilim basqarmasynyń bazasynda Psıhologııalyq qyzmet kabınetimen birigip, balalardyń quqyqtary men zańdy múddelerin iske asyrýǵa kómektesý úshin balalardyń qoǵamdyq qabyldaý bólmesi ashyldy. Balalar qoǵamdyq qabyldaý bólmesi ár seısenbi kúni saǵat 14:00-17:00 jumys isteıdi.
