Astanada 750 turǵyn úıdiń jaı-kúıi tekserilip, 65 úıde túrli aqaýlar anyqtaldy

ASTANA. QazAqparat - Astanada turǵyn úı qorynyń jaǵdaıyn baqylaýdy qamtamasyz etý maqsatynda bes jyl buryn paıdalanýǵa berilgen úılerdi tehnıkalyq tekserý jıi uıymdastyrylady, dep habarlanǵan elorda ákimdiginiń resmı saıtynda.

Bıyl 750 kóppáterlik turǵyn úı tekserildi, sonyń ishinde 65-i túrli aqaýlardyń anyqtalýyna baılanysty ortasha jóndeý jumystaryn júrgizýdi qajet etetini anyqtaldy. «Osy úılerdi salýshylarmen, merdigerlerimen jáne basqarýshy kompanııalarymen jumys isteý nátıjesinde qazirge deıin 60 ǵımarat jóndeldi. Qalǵan bes úıdi jóndeý jumystary jaqyn arada aıaqtalady», - dep habarlady Astana qalasy Turǵyn úı ınspektsııasy basqarmasynyń basshysy T.Rysbekov. Vedomstvonyń málimetinshe, ótken jyly 64 turǵyn úı tekserilip, 5 tehnıkalyq tólqujat ázirlendi, 65 kondomınıým nysany tirkeldi.