Astanada 75 metall qabyldaıtyn pýnkt zańsyz jumys istep kelgen
ASTANA. QazAqparat - Astana qalasynyń ІІD tústi jáne qara metall qabyldaý pýnktterin tekserýde, dep habarlaıdy qala ákimdiginiń saıty .
Elordada Astana qalasynyń ákimi Áset Isekeshevtiń tapsyrmasymen polıtsııa qyzmetkerleri tústi jáne qara metall (kabel, qudyq qaqpaqtary) urlaýdyń aldyn alýǵa baǵyttalǵan jedel aldyn alý is-sharasyn ótkizýde.
Astana qalasynyń kásipkerlik jáne ónerkásip basqarmasynyń málimetinshe, Astanada tústi jáne qara metall qabyldaıtyn 93 pýnkt jumys isteıdi, sonyń ishinde 18-iniń lıtsenzııasy bolsa, 75 pýnkttiń tıisti qujattary joq.
Astana qalasynyń ІІD habarlaýynsha, jedel aldyn alý is-sharasy barysynda metall qabyldaıtyn 55 pýnkt tekserilip, qosymsha 8 pýnkt anyqtalyp, tekserildi. Atalǵan pýnktter tirkelmegen jáne metall qabyldaýǵa ruqsat qujattary joq. Shara barysynda túrli buzýshylyqtar úshin 28 tulǵa ákimshilik jaýapkershilikke tartyldy. Tústi jáne qara metall urlaýdyń 5 deregi tirkelip, aıyptylar ustaldy. Tergeý júrgizilýde.
