Astanada 75 kásipkerge 2,3 mln teńgeden astam qarjy qaıtaryldy

ASTANA. KAZINFORM - Memlekettik satyp alý barysynda kásipkerlerdiń quqyqtarynyń saqtalýyna júrgizilgen taldaý nátıjeleri boıynsha medıtsınalyq mekemelerdiń 75 bıznes sýbektisine 2,3 mln teńgeden astam sommaǵa kepildikterdi qaıtarmaý faktileri anyqtaldy.

Memlekettik satyp alý týraly Zańnyń normalaryna sáıkes ónim berýshi memlekettik satyp alý týraly shart boıynsha óz mindettemelerin tolyq jáne tıisinshe oryndaǵan kúnnen bastap bes jumys kúni ishinde qaıtarady.

Saryarqa aýdany prokýratýrasynyń prokýrorlyq qadaǵalaý aktisi negizinde kásipkerlerge kelisim-shart sommasynyń 3% mólsherinde kepildik tólem qaıtarylyp, kináli tulǵalar tártiptik jaýapkershilikke tartyldy.