Astanada 730 jańa avtobýs paıdalanýǵa beriledi
ASTANA. QazAqparat - Astanada maýsym aıynyń sońyna deıin 600 jańa avtobýs paıdalanýǵa beriletin bolady. Bul týraly elorda ákimi Áset Isekeshev Feısbýktegi paraqshasynda habarlady.
«Astanada maýsym aıynyń sońyna deıin 600 jańa avtobýs paıdalanýǵa beriletin bolady. Qazirgi tańda avtobýstar parkinde 1000-nan asa avtobýs bar. Alaıda olardyń 700-deıinde kondıtsıoner joq. Sol sebepti shilde aıynda jaǵdaı túbegeıli ózgeredi. 730 jańa avtobýs halyqqa qyzmet etýge beriledi», - dep jazady qala ákimi.
Áset Órentaıulynyń málimeti boıynsha, qazirgi tańda avtoparkterdiń qyzmeti jiti qadaǵalanyp otyr.
«Osy aptada 9 avtoparkti (onyń 8-i - jeke tasymaldaýshy) qatań túrde qadaǵalaı bastadyq. Bul máseleler qataryna dóreki túrde qyzmet kórsetý, ýaqyt kestesin buzý, kondıtsıonerlerdiń istemeýi syndy olqylyqtar bar. Jaqyn arada bizdiń qala turǵyndary oń ózgeristerdi sezinedi dep senemin», - dep jazady qala basshysy.
