Astanada №73 mekteptiń 3-synyp oqýshysy qudyqqa qulap ketti
Abyroı bolǵanda, mekteptiń tehnıkalyq qyzmetkeri (áıel adam) balanyń aıqaılaǵan daýysyn estip, ata-analardy kómekke shaqyrǵan. QazAqparat tilshisiniń suraǵyna jaýap bere otyryp, mektep dırektory Quralaı Baıtajıkova habarlaǵandaı, qyz bala din aman.
«Búgin, shamamen birneshe saǵat buryn №73 mekteptiń shaǵyn aýdanyna jatatyn turǵyn úılerdiń arasyndaǵy qudyqqa bala túsip ketken. Balanyń aıtýy boıynsha, 15-20 mınýttaı qudyqta turǵan. Balanyń eshbir jerine eshqandaı zaqym kelmegen. Jedel járdem shaqyrdyq, meniń aldymda dárigerlerdiń tekserý týraly anyqtama jatyr, balanyń densaýlyǵyna zaqym kelmegen. Biraq, bala sál tońyp qalǵan sekildi. Úsik shalmaǵan. Dárigerler ystyq shaı berip, densaýlyǵyn tolyq tekserdi. Qazir balanyń jaǵdaıy jaqsy»,-deıdi dırektor.
Mektep dırektorynyń aıtýynsha, qudyqqa qulaǵan №73 mekteptiń 3-synybynda oqıtyn qyz bala eken. Qazir qaýipti qudyqtyń qaqpaǵy jabylǵan.
«Almaty aýdanynyń ákimdigi qudyqtyń qaqpaǵyn jaýyp qoıdy. Negizi, ata-analardyń aıtýynsha, qudyq keshegi kúnge deıin jabyq jatqan. Qudyq mektepten biraz alysta ornalasqan. Balanyń daýysyn tehnıkalyq qyzmetkeri estip, kómekke shaqyrǵan. Osy mektepte balasy oqıtyn ata-analar baryp, balany shyǵaryp alǵan»,-deıdi Q.Baıtajıkova.
P.S. Vıdeo «Feısbýk» áleýmettik jelisindegi «Astana. Kim? Qaıda? Qashan?» degen topqa jarııalanǵan.