Astanada 700 úleskerdiń aqshasyn jymqyrǵan qurylys kompanııasynyń basshylary sottaldy
«Qalalyq prokýratýra «Tólendi» TQK qurylys salýshylaryna qatysty qylmystyq isti sotqa joldady. A.S. Baıjumanov, N.N. Anarqulov jáne basqa da 7 adam 2012-2016 jyldary 700 úleskerdiń 7 mlrd teńgeden astam aqshalaı salymdaryn «Anısa 1, 2, 3», «Kóktal-2», «Abat» jáne «Abaıdyń 150 jyldyǵy» TK qurylysy kezinde urlaǵany úshin aıyptaldy», delingen habarlamada.
Paıshylardyń aqshalaı qarajaty sottalǵandarǵa jeke qajettilikterine jumsalǵan. Aıdyn Baıjumanov TQK tóraǵasy bola otyryp, óz týysqandary men tanystarynyń páterlerin jáne turaq oryndaryn aqysyz zańsyz resimdegen, ol týraly sotta jábirlenýshilerdiń ózderi de málimdegen.
Sot talqylaýy bir jyl boıy jalǵasty. Sotta 500-den astam jábirlenýshiden jaýap alyndy.
Prokýrordyń memlekettik aıyptaýyn tıisinshe qoldaý nátıjesinde sottalýshylardyń kinási dáleldendi, sot 5 jyldan 9 jylǵa deıin bas bostandyǵynan aıyrý jazasy taǵaıyndady.«Qylmystyq jolmen alynǵan barlyq múlikke jábirlenýshilerge keltirilgen zalaldy óteý maqsatynda tyıym salyndy. Úkim zańdy kúshine endi», delingen habarlamada.
Eske sala ketsek, 2016 jyly «Tólendi» qurylys kompanııasynyń bir páterdi birneshe adamǵa satyp kelgeni anyqtalǵan bolatyn.